بولوداقاردي‌مني


عشق‌ يوره‌گيمده‌ قايناب‌، يانديردي‌ دردي‌ مني‌

توتونيم‌ باده‌ بريب‌، بولوتغا قاردي‌ مني‌

فلك‌ بيليمي‌ تاولاب‌، چرخه‌ ساريدي‌ مني‌

خريدار گوزي‌ بيرله‌، كيم‌ گليپ‌ گوردي‌ مني‌

هجران‌ ياغميري‌ ياغيب‌، غم‌ سيله‌ بردي‌ مني‌

 

غم‌ سيلي‌ بيله‌ گيديپ‌، عشق‌ اولكه‌سينه‌ باريب‌

اول‌ عشقينگ‌ اولكه‌سينده‌ حيران‌ قالديم‌ من‌ غريب‌

خياليم‌ فكره‌ بريب‌، عقليمني‌ يل‌ آپاريب‌

عشق‌ خنجريني‌ چكيب‌، هجران‌ يوره‌گيم‌ ياريب‌

عالمه‌ دستان‌ اديپ‌، آفتابه‌ سردي‌ مني‌

 

نه‌ جسد ايچره‌ جان‌ بار، نه‌ قوت‌ قالدي‌ تنده‌

هم‌ سرگشته‌ هم‌ حيران‌، بو ايشه‌ قالديم‌ منده‌

نه‌ خسته‌يم‌، نه‌ خرم‌، نه‌ مرده‌يم‌، نه‌ زنده‌

غم‌ هجوم‌ ايلاپ‌ گوكدن‌، زمين‌ ساري‌ اينانده‌

فلك‌ اليمدن‌ توتوپ‌، حواله‌ بردي‌ مني‌

 

بير احواله‌ دوش‌ بولدوم‌، غم‌ هجوم‌ اتدي‌ اولديردي‌

بو ايشينگ‌ سريشته‌سين‌، عشق‌ اوقيديپ‌ بيلديردي‌

بو حاليما رحم‌ اتدي‌، اليم‌ توتدي‌ قالديردي‌

جمال‌ بير جلوه‌ بردي‌، ايچيم‌ شوقا دولدوردي‌

سوزله‌مايين‌ نيلايين‌، يارانلار ياردي‌ مني‌

 

مختومقلي‌ بگ‌ليگيم‌، يار جمالي‌ قول‌ اتدي‌

وصاله‌ اميد بريب‌، يور ديل‌لي‌ بلبل‌ اتدي‌

آيراليق‌ اوده‌ سالدي‌، فراق‌ توردي‌ يل‌ اتدي‌

عشق‌ چكه‌ي‌ زبانه‌سين‌، ياقيپ‌ اورتاب‌ كول‌ اتدي‌

هجران‌ فراپيچ‌(؟) آليپ‌، يله‌ ساويردي‌ مني‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی