بولارگلمه‌دي‌


گوچي‌ - قوني‌ بيرله‌ گيتدي‌ عبدالله‌

همه‌ گيدن‌ گلدي‌، بولار گلمه‌دي‌

محمدصفا گيتدي‌ كومك‌ برماگه‌

اوزادانلار گلدي‌، بولار گلمه‌دي



انه‌سيندن‌ آيري‌ ياتماز اوغلانلار

يا رب‌ گورن‌ بار مي‌ بولاردان‌، ايل‌لر

آيلانيبان‌ آيلار، دولانيپ‌ ييل‌لار

آيلار، ييل‌لار گلدي‌، بولار گلمه‌دي‌

 

هاسسادان‌ ساغالدي‌ زهر دادانلار

اينجي‌ آليپ‌ گلدي‌ قويون‌ گويدنلر

آلتي‌ آيليق‌ يولا ــ كعبا گيدنلر

حاجي‌ بولوپ‌ گلدي‌، بولار گلمه‌دي‌

 

ييراقدان‌، ياقيندان‌ باريب‌ گلن‌لر

بارمي‌ دير بولاردان‌ گوروب‌، بيلن‌لر

هندوستانا بزيرگن‌ليك‌ قيلان‌لار

مالين‌ ساتيپ‌ گلدي‌، بولار گلمه‌دي‌

 

داريدي‌ بير دولي‌، يولوقدي‌ باران‌

بيرين‌ يوردي‌ بيله‌ ايله‌دي‌ ويران‌

بيري‌سي‌نينگ‌ ياري‌ ايزيندا حيران‌

گوزلري‌ يولدادير، بولار گلمه‌دي‌

 

ييقيلانينگ‌ باغري‌ يردن‌ قالماز مي‌

هيچ‌ باران‌ گلمزمي‌، آغلان‌ گولمزمي‌

اوتندن‌، گچندن‌ سورسانگ‌، بيلمزمي‌

بيلينمزلر گلدي‌، بولار گلمه‌دي‌

 

مختومقلي‌، دردي‌ قويماز ياتماغا

اوغرون‌ بيلمن‌ سوراي‌-سوراي‌ گيتماگه‌

يردن‌ جواب‌ چيقماز خبر توتماغا

گورن‌ - بيلن‌ بارمي‌، بولار گلمه‌دي‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی