بارمی،یارانلار


عشق یوْلوُن هوس ایلأپ

گِلِن بارمی، یارانلار؟

دردیم نی بیان اتسم

بیلن بارمی یارانلار؟



بوْلموُشام مستِ شیدا

هزار پیشه، صدسودا

عالمده من دِی رسوا

بوْلان بارمی یارانلار؟



داشیم درد، ایچیم بریان

ادر من نالا گریان

منیم دِی مستِ حیران

قالان بارمی یارانلار؟



یالان دنیاده یایناپ 

گزر سن گولوپ، اوْیناپ

عشق مطبخینده قایناپ

اوُلن بارمی، یارانلار؟



عشق دوش بوْلسا بیرمرده

توْز بوْلار، دؤنر گرده

منیم دِی اؤزون درده

سالان بارمی یارنلار؟



تاب اتمه یِن ظلم غا

باردی حالیم اؤلوم گه

ییغلا مایین حالیم غا

گوّلن بارمی، یارانلار؟



مختومقلی جان چکسه

رحم اتمزلر، یاش دؤکسه

عشقینگ یوْلوُندا یوْقسا

یالان بارمی یارانلار؟

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی