بولماسدان‌ بورون‌


اي‌ كونگول‌، بيدار بول‌ بيمار بولماسدان‌ بورون‌

بوعزيز جانينگ‌ دوشه‌كده‌ خوار بولماسدان‌ بورون‌

گوزونگه‌ بو ياغتي‌ عالم‌ دار بولماسدان‌ بورون‌

جانينگا شير اجل‌ خونخوار بولماسدان‌ بورون‌

جسم‌ آزادينگ‌ لحددا زار بولماسدان‌ بورون‌

 

تاشلابان‌ يالنگيز باشينگني‌ قبر ايچينده‌ شول‌ زمان‌

قوم‌ قارداشينگ‌ باري‌ قايديپ‌ گليپ‌ چكسه‌ فغان‌

ليك‌ سندن‌ نه‌ اوترني‌ بيلمه‌گه‌ي‌ هيچ‌ كيم‌ عيان‌

پس‌ بو دم‌ قيل‌ فكرينگي‌ اول‌ اوي‌ سانگا بولماي‌ مكان‌

آنداغي‌ حالت‌ سانگا دوچار بولماسدان‌ بورون‌

 

بير اوزونگدن‌ اوزگه‌ بيلمس‌ آنداقي‌ احوالينگي‌

بارچادان‌ الينگ‌ يوووپ‌ گيتگنداكي‌ اموالينگي‌

كيم‌ بيلر، ايكي‌ پريشته‌ بيرله‌ قيل‌ و قالينگي‌

اله‌يير قالغانلارينگ‌ تاراج‌ ييغان‌ مالينگي‌

قيل‌ تفكر بيله‌ ايش‌ اظ‌هار بولماسدان‌ بورون‌

 

نيله‌وينگ‌دير قبر عذابيندان‌ يتيشسه‌ نار نار

گلسه‌لر آزاده‌ جسمينگ‌ اييماكگه‌ اول‌ مار و مار

كيم‌ آلار پامال‌ قيلماغايلار سني‌ زار و نزار

ياغشيليق‌ همراه‌ قيل‌ بو دم‌ قولونگدا اختيار

تيره‌ توپراق‌ آستيندا ناچار بولماسدان‌ بورون‌

 

بير زمان‌ انديشه‌ قيل‌، باشينگدا سودا كوپ‌ دورار

حشر بازاريندا يوز مونگ‌ شور و غوغا كوپ‌ دورار

كيمسانينگ‌ جنتي‌ ماواسي‌ معلا كوپ‌ دورار

نيچه‌ بولغان‌ وزن‌ اعمالينگدا رسوا كوپ‌ دورار

ييغلا بول‌ گون‌ حالتينگ‌ دشوار بولماسدان‌ بورون‌

 

ديده‌ خونبار ايلاربان‌، هول‌ قيامت‌ ياد قيل‌

تور، سحر ياد ات‌ خداني‌، اويقيني‌ برباد قيل‌

آخرت‌ ماواسيني‌ احسان‌ بيله‌ آباد قيل‌

گر قولونگدان‌ گلسه‌، بير غمگين‌ كونگولني‌ شاد قيل‌

كيم‌ سانگا تانگلا يوره‌ك‌ افكار بولماسدان‌ بورون‌

 

ييغلابان‌ وقت‌ سفر رحلت‌ چاغي‌ ط‌يار بول‌

اهتراز اتگيل‌ ياماندان‌، ياغشيلارغا يار بول‌

فاني‌ ايلاپ‌ اوزونگني‌، واقف‌ اسرار بول‌

خواب‌ غفلتدان‌ گوزونگ‌ آچ‌، دايما هوشيار بول‌

گوزلرينگ‌ روز جزا خونبار بولماسدان‌ بورون‌

 

اختيارينگني‌ آليپ‌، شيط‌ان‌ بيله‌ نفس‌ هوا

سالدي‌ باشينگ‌ كاسه‌سي‌گه‌ هيچ‌ توكنمس‌ ماجرا

ايله‌مس‌ سن‌ ساعت‌ني‌ انديشه‌ي‌ روز جزا

قالغوسي‌ هر نيچه‌ توتسانگ‌ دوستي‌ بول‌ دارالفنا

خير قيل‌ صاحب‌ آنگا اغيار بولماسدان‌ بورون‌

 

ناگهان‌ يتسه‌ اجل‌ برمس‌ آنگا بير دم‌ آمان‌

بو شيرين‌ جان‌ آجيغيندان‌ قيلغاي‌ سن‌ شور و فغان‌

مال‌ و ملكينگ‌ ايله‌مس‌ باهبيت‌ اول‌ دم‌ بيگمان‌

بو حياتينگ‌ ايچره‌ حاصل‌ قيل‌ رضاي‌ مستعان‌

هر نفس‌ تا آه‌ و آتش‌ يار بولماسدان‌ بورون‌

 

ايله‌ فكري‌ كيم‌، خويش‌ و تبارينگ‌ قايدادير

هر نه‌ ايش‌ ايچره‌ سنينگ‌ همراز يارينگ‌ قايدادير

راز دللرني‌ ديييشگن‌ رازدارينگ‌ قايدادير

بارچاسي‌ بولغان‌ اولومدن‌ دل‌فگارينگ‌ قايدادير

فكر قيل‌، آنداغ‌ سانگا كردار بولماسدان‌ بورون‌

 

تا آلار دك‌ بولمايان‌، عقبي‌ ايشين‌ آغاز قيل‌

ايستابان‌ اهل‌ صفاني‌ اوزونگه‌ دمساز قيل‌

اهل‌ دل‌ جمعيني‌ تاپغين‌، ترك‌ حرص‌ و آز قيل‌

اهل‌ دنيا جمله‌سيندن‌ اوزونگي‌ ممتاز قيل‌

تا سانگا غم‌ خرمني‌ خروار بولماسدان‌ بورون‌

 

فعل‌ زشتينگدن‌ يانيپ‌، دايم‌ پشيمان‌ ايله‌گيل‌

ياد اديپ‌ روز قيامت‌، گوزني‌ گريان‌ ايله‌گيل‌

آه‌ آتشبار ايله‌ چاك‌ گريبان‌ ايله‌گيل‌

قدر رزقينگغا مناسب‌ خير و احسان‌ ايله‌گيل‌

قيلغانينگ‌ محشر ارا اظ‌هار بولماسدان‌ بورون‌

 

جرم‌ و عصيان‌ اهليده‌ بارمو منينگ‌ دك‌، يا اله‌!

دايما المده‌ قيلغان‌ ايشلريم‌ باري‌ گناه‌

معصيت‌ درياسي‌ ايچره‌ غرق‌ من‌، حاليم‌ تباه‌

ليك‌ بيلميش‌ من‌ سني‌ كونين‌ ارا پشت‌ و پناه‌

رحم‌ قيل‌ جانيم‌ حريق‌ نار بولماسدان‌ بورون‌

 

وه‌ كي‌ قيلميشدير مني‌ جام‌ خلوت‌ اسرو مست‌

چون‌ كي‌ ايلاپ‌دير هوا زنجيري‌ بيرله‌ پاي‌ بست‌

بير بت‌ اليده‌ قيليپ‌ مني‌ سجداگه‌ قدميمني‌ پست‌

قوتاريپ‌ آندان‌ مني‌، برگيل‌ اوز الينگده‌ نشست‌

تا كي‌ بيليم‌ پوتاسي‌ زنار بولماسدان‌ بورون‌

 

لط‌ف‌ اديپ‌ برگيل‌، خدا، ياغشيلار ايچره‌ وط‌ن‌

تا دوزه‌ي‌ بير دم‌ آلار بيرله‌ مبارك‌ انجمن‌

قوتلوغ‌ انفاسي‌ بيرله‌ رفع‌ ايله‌گه‌ي‌ من‌ ما و من‌

گردن‌ نفسيمگه‌ دوشسون‌ تا شكن‌ اوزره‌ شكن‌

همنشينيم‌ كافر ديار بولماسدان‌ بورون‌

 

ذائقام‌ تاپماي‌ حقيقت‌ لذتي‌دن‌ چاشني‌

قوشماديم‌ هيچ‌ بير كشوفات‌ اهلي‌ بيرله‌ باشني‌

كوه‌ حسرتدان‌ آليپ‌، گووسومگه‌ اورماي‌ داشني‌

كيم‌ قيلار من‌ خلق‌ ارا يوز مونگ‌ كاش‌ و پرخاشني‌

بر مانگا توفيق‌ اولوس‌ آزار بولماسدان‌ بورون‌

 

قيلديلار نفس‌ هوا بيحد مانگا مكر و فريب‌

كيم‌ نظ‌ر قيلسام‌ اوزومگه‌ دوشموش‌ احوال‌ عجيب‌

ايله‌ دوستوندان‌ شفاعتني‌ مانگا، يا رب‌، نصيب‌

قيل‌ دعا، مختومقلي‌، اتسين‌ دعانگ‌ مستجيب‌

تانگلا قيلغان‌ ايشلريم‌ اظ‌هار بولماسدان‌ بورون‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی