تركمنينگ


جیحون ‌بیلن بحر خزر آراسی

چؤل اوستوندن اُسر یئلی توركمنینگ

گول غونچه‌سی قره گوزوم قره‌سی

قره ‌داغ‌دان اینر سیلی توركمنینگ



حق سیلامیش باردیر اونونگ سایه‌سی

چارپیشار چؤلونده نری ـ مایه‌سی

رنگ برنگ گول آچار یاشیل یایلاسی

 غرق اولموش ریحانا چؤلی توركمنینگ



آل یاشیل بوره‌نیپ چیکار پری‌سی

کویوپ برق برر عنبرینگ ایسی

بگ توره آق سقل یوردینگ ایئیه‌سی

گؤرن توتار گؤزل ایلی توركمنینگ



اول مردینگ اوغلودور مرتدیر پدری

گور اوغلو قارداشی، سرخوش‌دور سری

داغدا ـ دوزده قووسا اووچولار دیری

آلابیلمز یولبارس اوغلو توركمنینگ



كونگول‌لر اریكلر بیر بُلیپ باشلار

دارتسا یاغینگ برر توپراقلار داشلار

بیر سفره‌ده طیار قیلینسا آش‌لار

گوتوریلر اول اقبالی توركمنینگ



گؤیول هاوالانار آتا چیکاندا

داغ‌لار لعله دؤنر قئیه باکاندا

بال گتیره‌ر جوشوپ دریا آکاندا

كسیلمز میوه‌سی ـ بالی توركمنینگ



غاپیل قالماز دؤیوش گونی خوار اولماز

قارغیشا نظره گرفتار اولماز

بیلبیلدن آیریلیپ سولوپ سارالماز

دائم عنبر ساچار گولی توكمنینگ



تیره‌لر قارداش‌دیر اروغ یاریدیر

اقبال‌لر ترس‌گلمز حقینگ‌ نوری‌دیر

مرتلر آتا چیکسا ساواش ساریدیر

یاو اوستونه یاو‌دیر یولی توركمنینگ





سرخوش بلوپ چیکار جگر داغلانماز

داشلاری سیندیرار قولی باغلانماز

گؤزوم غیره دوشمز کؤنگل اگلنمز

سؤزلار مختوم‌قلی دیلی توركمنینگ

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی