جاناگلديم‌


آتا بيليندن‌ دوشدوم‌، انه‌ رحمنه‌ گلديم‌

قيرق‌ - كوون‌ بيلن‌ چيقيپ‌، بير ذره‌ قانا گلديم‌

بير ماهي‌ بيجانم‌، دريا عمانا گلديم‌

دورت‌ آي‌، اون‌ دورت‌ ساعتدا ديريلديم‌، جانا گلديم‌

دوقوز آي‌ تمام‌ اولدي‌، شوندا جهانا گلديم‌

 

آتام‌- انم‌ سويدولر، گوترديلر قوجاغا

گييملريم‌ گيديريپ‌، دولاديلار قونداغا

گاهي‌ امكلارديم‌، گاه‌ تورارديم‌ آياغا

انه‌ سويدون‌ امرديم‌ دونرديم‌ سولا- ساغا

ايكي‌ ياشا يتمده‌، اييماگه‌ نانا گلديم‌

 

اوچ‌ ياشيما يتمده‌، اويناييبان‌ گولرديم‌

باش‌ ياشيما بارامدا، انه‌دن‌ زات‌ تيلارديم‌

يدي‌ ياشا يتمده‌، دوست‌-دوشماني‌ بيلرديم‌

دوقوز ياشا يتمده‌، ادب‌-اركانا گلديم‌

 

اون‌ ايكيمده‌ هر كيمه‌ قينگراليپ‌ سوز قاتارديم‌

اون‌ اوچ‌ ياشا يتمده‌، آغير مجلس‌ توتارديم‌

اون‌ باشيمه‌ يتمده‌، تير توپنگ‌ آتارديم‌

اون‌ يديگه‌ بارامدا، عشق‌ سوداسين‌ گوترديم‌

عشقينگ‌ سوداسي‌ بيلن‌، سوروپ‌ ميدانا گلديم‌

 

اون‌ يدي‌دن‌ گچن‌ سونگ‌، شهرات‌ اويونه‌ گيرديم‌

آلديم‌ بير نازنيني‌، ذوق‌ ايله‌ صفا سوردوم‌

بو غنچه‌يي‌ گلزاردان‌ الوان‌ گليني‌ تيرديم‌

ييگريمييه‌ يتنده‌، فلك‌ جبريني‌ گوردوم‌

فلك‌ آلدي‌ ياريمي‌، اجل‌ غمخانا گلديم‌

 

اوتوزا گيردي‌ عمريم‌، گيردي‌ تير و كمانا

كونگول‌ خروج‌ ايله‌دي‌، بولدوم‌ دالي‌- ديوانا

آط‌ مونوپ‌، ياراغ‌ باغلاپ‌، سوروپ‌ گيرديم‌ ميدانا

رستم‌ دستان‌ كيمين‌، سووش‌ قيلديم‌ مردانا

قيرقا يتنده‌ عمريم‌، اوقيپ‌ "قرآنا" گلديم‌

 

قيرقدان‌ اوتر بولاندا، گيتديم‌ اللي‌ ياشيما

گلدي‌ اولوم‌ نشاني‌، رهنه‌ گيردي‌ دويشومه‌

هر كيم‌ قارري‌ دييردي‌، حيران‌ قالديم‌ ايشيمه‌

قوجالديم‌، دوشگون‌ اولدوم‌، غوغا گلدي‌ باشيما

اله‌ عصا گوتريپ‌، دوغري‌ مكانا گلديم‌

 

آلتميشا گيتدي‌ عمريم‌، گورمز اولدي‌ گوزلريم‌

قوجالديم‌ دوشگون‌ اولدي‌، قيشا دوندي‌ يازلاريم‌

منينگ‌ سوزوم‌ اتمسلر، هم‌ اوغول‌ هم‌ قيزلاريم‌

عالمگه‌ خوش‌ گلمه‌دي‌، منينگ‌ شيرين‌ سوزلريم‌

عالمه‌ يالبارماقدان‌، دوشدوم‌ آمانا گلديم‌

 

يتميشه‌ باردي‌ عمريم‌، آغلار ايديم‌ زار زار

گوزوم‌دن‌ ياش‌ گيدردي‌ مثل‌ ابر نوبهار

غولاقلاريم‌ قاپيليپ‌، گوزلريم‌ توتدي‌ غبار

داشيما ييغيلديلار قوم‌ قارداش‌، هر نه‌ بار

گييملريم‌ سويولدي‌، تخت‌ روانا گلديم‌

 

ياتير ايديم‌ بسترده‌، ناگاه‌ عزراييل‌ گلدي‌

بلبل‌ ديليم‌ باغلانيپ‌، قيزيل‌ يوزلريم‌ سولدي‌

يوز مونگ‌ جفا- جبر ايلن‌ جسميمدن‌ جانيم‌ آلدي‌

دنياني‌ پوچ‌ گچيرديم‌، بارچا آرمانيم‌ قالدي‌

گلدي‌ اولوم‌ نشاني‌، اجل‌ غمخانا گلديم‌

 

غسال‌ قولون‌ چيزغاييپ‌، ميديمي‌ يودولار پاك‌

آغاچ‌ آط‌ا موندوريپ‌، التديلر اول‌ سوي‌ خاك‌

عزراييل‌نينگ‌ جنگيندن‌ روحوم‌ اولدي‌ چاك‌- چاك‌

ايكي‌ گرزلي‌ توپولدي‌، سهمناك‌ و غضبناك‌

روحوم‌ تسليم‌ اتديلر، ديريلديم‌، جانا گلديم‌

 

سوراديلار: "اي‌ آدم‌، ديي‌، گورم‌، حالينگ‌ نه‌دير"

دنيدده‌ خير اتمه‌دي‌، بو قيل‌ و قالينگ‌ نه‌دير

گيتدينگ‌ شيط‌ان‌ رايينا، جواب‌ - سوالينگ‌ نه‌دير

ايمدي‌ توپراق‌ آستيندا، علم‌ كلامينگ‌ نه‌دير"

گرزي‌ سالدي‌ دپامدن‌، چاك‌ خمانا گلديم‌

 

جاندان‌ دييديم‌: "يا، علي‌!" تاپيلدي‌ شاهمردان‌

آقاي‌ مشكل‌ گشاد، اول‌ اميرالمومنين‌

مختومقلي‌ ديير، جانيم‌ دييمه‌ سن‌ اونگا قربان‌

اول‌ منكر و نكيرلر، دورماديلار بير زمان‌

شول‌ يرده‌ ربيم‌ گوروپ‌، دوغري‌ مكانا گلديم‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی