چيقيپ‌اوتورميش



غوث‌ اره‌ برابر بير كيمسه‌ يوقدور
ترك‌ دنيا بولوپ‌، چيقيپ‌ اوتورميش‌
اقط‌اب‌ بير منزلدير، منظ‌ري‌ حقدير
اول‌ عرش‌ اعلايا چوكوپ‌ اوتورميش‌
 
توتان‌ ساغ‌-سولوندا امامين‌ دييرلر
ساغينداقي‌ ـ گوگه‌ ايلار تدبيرلر
سولونداقي‌ ـ يره‌ سرانجام‌ بييرلر
ير انجامي‌ بيلن‌ باقيپ‌ اوتورميش‌
 
آنگلاديغيم‌ ايشي‌ ايله‌سم‌ اظ‌هار
باب‌ حقدان‌ كشف‌ اولموشدير بو اسرار
ينه‌ اوتاد دييرلر دورت‌ كيمرسه‌ بار
دنيانينگ‌ دورت‌كنجين‌ چكيپ‌ اوتورميش‌
 
شونچا آريغ‌، شونچا پاكدير ذاتلاري‌
جهان‌ ايچره‌ ياقار آنداق‌ اوتلاري‌
يدي‌ ار بار، بدلادير آتلاري‌
بولجاق‌ شر ايشي‌ قاقيپ‌ اوتورميش

حقيقت‌ يولوندان‌ خبرلي‌ ارلر
بو سوزوم‌ اشيتگن‌، چين‌ قولاق‌ بييرلر
اون‌ ايكي‌ ار باردير، رقبا دييرلر
اونكي‌ ايشي‌ بوينونا داقيپ‌ اوتورميش

بولار جهانا جان‌، جهان‌ گويا تن‌
آيدايين‌ بيانين‌ قولاق‌ برگيل‌ سن‌
آتلاري‌ نجبا، اوزلري‌ چلتن‌
اربعيندا مدام‌ اوقيپ‌ اوتورميش‌
 
يدينجي‌ گروهي‌ نقبا، بيلينگ‌
اوچ‌ يوز اردير، سوزه‌ بير قولاق‌ سالينگ‌
اوچ‌ يوز آلتميش‌ آلتي‌ ارن‌ هر ييلينگ‌
هر گونونه‌ بيري‌ گييپ‌ اوتورميش‌
 
بولار نظ‌ر ادن‌ دوشرلر جوشغا
سالار دنيا مستين‌ حقيقت‌ عشقا
افراد امنادير بولاردان‌ باشغا
خلقي‌ ملا متا ياقيپ‌ اوتورميش‌
 
مختومقلي‌ آيدار، دوستلار من‌ گمراه‌
حيران‌ قالديم‌، بير منزلده‌ تاپماي‌ راه‌
اوچ‌ يوز گليپ‌، اتدي‌ اوزلرينه‌ همراه‌
يانيق‌ باغريم‌ ياشين‌ دوكوپ‌ اوتورميش‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی