چيقارديم‌چندن‌



جليل‌ اي‌، جبار اي‌، اوزونگ‌ بيلر سن‌
جهان‌ ايچره‌ جرميم‌ چيقارديم‌ چندن‌
بنده‌ من‌، نه‌ قيلسانگ‌، اوزونگ‌ قيلار سن‌
گناهيم‌ گويچ‌ آليپ‌، باسدي‌ گون‌-گوندن‌
 
درگاهينگدا درمان‌ ديله‌نه‌ي‌ نيجه‌
اوزين‌ عمريم‌ سعيين‌ صرف‌ اتديم‌ نيجه‌
يوك‌ آغير، يول‌ ايراق‌، قارانگقي‌ گيجه‌
جان‌ هم‌ جولان‌ اورار چيقماغا تندن‌
 
رهرو ايديم‌، مانده‌ بولوپ‌ اوتورديم‌
كرمينگه‌ سيغنيپ‌، پناه‌ گتيرديم‌
يولداشيم‌ يوق‌ اتديم‌، يولوم‌ ييتيرديم‌
نفس‌ انصافدان‌ اتدي‌،شوم‌شيط‌ان‌ديندن‌
 
حاصليم‌ عصياندير گنده‌ليگيمدن‌
اولوم‌ آسان‌ ارر زنده‌ليگيمدن‌
شرمنده‌ عاصيم‌ بنده‌ليگيمدن‌
سانگا لايق‌ عمل‌ گلمه‌دي‌ مندن‌
 
حسرت‌ بيله‌ گچديم‌، حيرانا قالديم‌
درگاهينگ‌ دالدادير، سيغينيپ‌ گلديم‌
نفس‌ ايله‌ شيط‌انينگ‌ پايمالي‌ بولدوم‌
ايام‌، سن‌ لط‌ف‌ اديپ‌، قوتارغيل‌ اوندان‌
 
اخلاصيم‌ آري‌ قيل‌، يالانيم‌ يوق‌ ات‌
تيليمني‌ دراز قيل‌، يوزومني‌ آق‌ ات‌
خط‌ردان‌ حفظ‌ ايله‌، حرامدان‌ پاك‌ ات‌
توفيقينگ‌ يار ايلاپ‌، توبه‌ بر چندان‌
 
مختومقلي‌، آشناليق‌ بر عشق‌ ايله‌
سيناما ـ سر بيله‌، چشمه‌ ـ عشق‌ ايله‌
اعماليم‌ آنگلاسام‌، قالديم‌ مشكله‌
يريم‌ يوق‌ آيريليپ‌ بارارغا سندن‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی