چاوديرخان‌اوچين



احمد پادشاه‌دان‌ خبر آلماغا
اميد اتدي‌ ايللر چاوديرخان‌ اوچين‌
ساغ‌ سلامت‌ باريپ‌، قايديپ‌ گلماگه‌
اونگمادي‌ اقباللار چاوديرخان‌ اوچين‌
 
باغلار دونگوپ‌ قالدي‌، ياغيشلار گورمان‌
بولوت‌ بول‌ سالدي‌، بو درده‌ آرمان‌
زمين‌ ضايع‌ بولدي‌، فلك‌لر فرمان‌
جنت‌ بولدي‌ چوللر چاوديرخان‌ اوچين‌
 
قضا قهره‌ موندي‌ ـ پرين‌ سينديرسا
فلك‌ خيال‌ اتدي‌ ـ مهرين‌ ايندرسه‌
دريا جوشا گلدي‌ ـ سوودان‌ قانديرسا
مشتاق‌ بولدي‌كوللر چاوديرخان‌ اوچين‌
 
ايزينگدان‌ بولديلار ايل‌ انتظ‌ارينگ‌
اميد بيلن‌ گزدي‌ آناخال‌ يارينگ‌
آتانظ‌ر بولدي‌ چكرگه‌ زارينگ‌
گوزلاي‌-گوزلاي‌ يوللار چاوديرخان‌ اوچين‌
 
بارسا، پايي‌ بللي‌ سلط‌اندا، خاندا
ايلي‌ بيلماي‌ قالدي‌ آرمانلي‌ جاندا
قضادير، قسمت‌دير يزدده‌، كرماندا
مگر تارتدي‌ قانلار  چاوديرخان‌ اوچين‌
 
قوردولار گنگ‌ بولدي‌ پال‌لار شوم‌ بولدي‌
بارانلار بند بولدي‌، يوللار بيم‌ بولدي‌
چشمه‌لر خشك‌ بولدي‌ داشلار موم‌بولدي‌
قويا بولدي‌ تيللر چاوديرخان‌ اوچين‌
 
سويله‌، مختومقلي‌، عالم‌ بيلسين‌لر
جايي‌ جنت‌ دير گواه‌ بولسون‌لار
"حق‌ رحمت‌ اتسين‌!" ديييپ‌،دعا قيلسين‌لار
تمام‌ اولوس‌ ايللر چاوديرخان‌ اوچين‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی