چاغديربوچاغلار



سحر وقتي‌ غافل‌ بولمانگ‌، يارانلار
درگاه‌لار آچيلار چاغدير بو چاغلار
رحمته‌ دوش‌ گلدي‌ بو وقت‌ ارن‌لر
حق‌ نوري‌ ساچيلار  چاغدير بو چاغلار
 
عاصي‌ بولما، گناهينگدن‌ دانه‌ور
اوزونگ‌ تاني‌، منليگينگدن‌ اينه‌ور
ياغشي‌ وقتدير، توبا قيليپ‌: دونه‌ور
يازيقلار گچيلر چاغدير بو چاغلار
 
حق‌ سني‌ ساقلاسين‌ هجران‌ يليندن‌
آزاشماغيل‌ يولچيلارينگ‌ يولوندان‌
محبت‌ جاملاري‌ دوستونگ‌ قولوندان‌
حاضر بول‌، ايچيلر چاغدير بو چاغلار
 
مونگ‌ ييل‌ گزسنگ‌ يالانچيني‌ سوريبان‌
تن‌ توپراغا دونر بير گون‌ اريبان‌
يوقلوق‌ ميدانيندا مجلس‌ قوريبان‌
منليكدن‌ قاچيلار چاغدير بو چاغلار
 
مختومقلي‌، گيتدينگ‌ دنيا كويونه‌
جاهلليقدا كونگول‌ قويدونگ‌ اويونا
ايمدي‌ آياق‌ باسدينگ‌ اوتوز اويونه‌
گوز ياشي‌ ساچيلار چاغدير بو چاغلار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی