چيليم‌چكمه‌گيل‌



جانينگا قصد اتمه‌، دودكشيم‌، اوزونگ‌
حيف‌ دير جانينگا، چيليم‌ چكمه‌گيل‌!
پنديم‌ بو، روزه‌ توت‌، اوقي‌ نمازينگ‌
حيف‌ دير جانينگا، چيليم‌ چكمه‌گيل‌!
 
چيليمدن‌ ييلاندير دوشر بوينونگا
آغزين‌ آچيپ‌، هاشلاپ‌ گيرر قوينونگا
هر زمان‌ زهرين‌ سالار اينينگه‌
حيف‌ دير جانينگا، چيليم‌ چكمه‌گيل‌!
 
تن‌لرينگ‌ تيسگينيپ‌، آندان‌ قاچار سن‌
سووسيزليقدان‌ زهر زقوم‌ ايچر سن‌
ايچيم‌ ياندي‌ ديييپ‌، آغزينگ‌آچارسن‌
حيف‌ دير جانينگا، چيليم‌ چكمه‌گيل‌!
 
ييلان‌ آيدار: "بو گون‌ قاچار سن‌ مندن‌
اول‌ حقينگ‌ امريدير، آيريلمان‌ سندن‌"
اوشول‌ وقتدا بيزار بولار سن‌ آندان‌
حيف‌ دير جانينگا، چيليم‌ چكمه‌گيل‌!
 
يالانچي‌ دنياده‌ ايسته‌مه‌ وفا
اوت‌ اييمك‌ بولارميش‌ بي‌ذوق‌ و صفا
دودكش‌لر امت‌ دال‌ دييدي‌ مصط‌فا
حيف‌ دير جانينگا، چيليم‌ چكمه‌گيل‌!
 
بو دنيا فاني‌ دير، دورمايين‌ گچر
هر كيمسه‌ عاقل‌ دير، بيل‌، آندان‌ قاچار
شيط‌انا يول‌ برمه‌، ايمانينگ‌ اوچر
حيف‌ دير جانينگا، چيليم‌ چكمه‌گيل‌!
 
امانت‌ جانينگا قيلماغيل‌ تهمت‌
صرفه‌سي‌ نه‌ دير، گل‌،سن‌ايمدي‌فهم‌ات‌
محشر گون‌ نا ديير سن‌، جوابينگي‌آيت‌
حيف‌ دير جانينگا، چيليم‌ چكمه‌گيل‌!
 
ابليسه‌ يول‌ برمه‌، يووتماغيل‌ ناري‌
گل‌ ديييپ‌ اوزونگه‌ سالماغيل‌ خاري‌
بي‌غيراتليق‌ اتمه‌، ساقلاغيل‌ عاري‌
حيف‌ دير جانينگا، چيليم‌ چكمه‌گيل‌!
 
ترك‌ ايله‌ چيليمي‌، دوغري‌ دور حقا
هر زمان‌ توبه‌ دييپ‌، توتغيل‌ سن‌ ياقا
دييرلرميش‌، سوو برمز دودكشه‌ سقا
حيف‌ دير جانينگا، چيليم‌ چكمه‌گيل‌!
 
ايچدينگ‌ زقوم‌دير، اييديگينگ‌ اوت‌دير
بيلمز سن‌، شيط‌ان‌لار كسبينگه‌ شاددير
بوگون‌ خشنود بولسانگ‌، تانگلا هيهات‌دير
حيف‌ دير جانينگا، چيليم‌ چكمه‌گيل‌!
 
بير سفر خط‌ادان‌ چكيپدير علي‌
سيل‌ اوچين‌ صحراغا چيقيپدير ولي‌
بير مسجدي‌ گوروپ‌ زرلي‌-صفالي‌
حيف‌ دير جانينگا، چيليم‌ چكمه‌گيل‌!
 
مسجدي‌ گوروپدير عجايب‌زاده‌
تماشا ايله‌ييپ‌، گيرميش‌ پياده‌
ستوني‌ سياميش‌، اورتنميش‌ اودا
حيف‌ دير جانينگا، چيليم‌ چكمه‌گيل‌!
 
اوشول‌ دمده‌ قايديپ‌ گلميش‌ رسوله‌
خبرين‌ سويله‌ميش‌ صاحب‌ اصوله‌
"ستوني‌ سياميش‌ نادير وصوله‌؟"
حيف‌ دير جانينگا، چيليم‌ چكمه‌گيل‌!
 
رسول‌ آيدي‌: "علي‌ اشيتديم‌ سوزونگ‌
صفاتينگ‌، صوراتينگ‌ گوروپدير گوزونگ‌
دودكش‌ليك‌ زيان‌دير، اشيتگيل‌ اوزونگ‌
حيف‌ دير جانينگا، چيليم‌ چكمه‌گيل‌!
 
گوروپ‌ سن‌ مسجدي‌، ط‌رفه‌ يارانميش‌
شيط‌ان‌ سانگا بو گون‌ كيفي‌ برنميش‌
آنينگ‌ اوچين‌ ستون‌ اودا بورنميش‌
حيف‌ دير جانينگا، چيليم‌ چكمه‌گيل‌!
 
آدامينگ‌ ستوني‌ ــ بيلگيل‌، ــ ايماني‌
بو شيط‌ان‌ مكري‌دن‌ ساقلاغيل‌ آني‌
غافل‌ بولسانگ‌ ياقار، اتمه‌ گماني‌
حيف‌ دير جانينگا، چيليم‌ چكمه‌گيل‌!
 
شول‌ فرصت‌ده‌ حيدر چيقدي‌ ميدانه‌
قهر ايله‌ قصد اتدي‌ لعين‌ شيط‌انه‌
شوندان‌ باري‌ شيط‌ان‌ بولدي‌ پنهانه‌
حيف‌ دير جانينگا، چيليم‌ چكمه‌گيل‌!
 
آندان‌ اول‌ شيط‌ان‌ آشكار گزرميش‌
آدم‌ آلداپ‌، دينين‌ بيله‌ بوزارميش‌
"بسم‌ الله‌!" دييسنگ‌، اميد اوزرميش‌
حيف‌ دير جانينگا، چيليم‌ چكمه‌گيل‌!
 
مختومقلي‌، پندينگ‌ ايل‌لره‌ سويله‌
اوز حالينگ‌ نيچيك‌دير بير فكر ايله‌
سفر قيلماق‌ لازم‌، آزيغينگ‌ ايله‌
حيف‌ دير جانينگا، چيليم‌ چكمه‌گيل‌!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی