حسن‌بيرله‌حسين‌



بير خداييم‌نينگ‌ قولي‌دير اول‌ حسن‌ بيرله‌ حسين‌
مصط‌في‌نينگ‌ بلبلي‌ دير اول‌ حسن‌ بيرله‌ حسين‌
باغ‌ رضوانينگ‌ گلي‌دير اول‌ حسن‌ بيرله‌ حسين‌
اول‌ علي‌نينگ‌ ايكي‌ اوغلي‌دير اول‌ حسن‌ بيرله‌ حسين‌
ايكي‌ دنيانينگ‌ گلي‌دير اول‌ حسن‌ بيرله‌ حسين‌
 
داوود اوغلي‌ ال‌ سليماني‌ قيليپ‌ سن‌ دادخواه‌
يعقوب‌ اوغلي‌ني‌ قيليپ‌ سن‌ مصر ايليگه‌ پادشاه‌
حضرت‌ ايوب‌ني‌ قيلدينگ‌ يوز بلاغا مبتلا
من‌ آلارني‌ تيزلابان‌، هر دم‌ قيلور من‌ آه‌ و واه‌
ايكي‌ دنيانينگ‌ گلي‌دير اول‌ حسن‌ بيرله‌ حسين‌
 
اي‌ خدايا سانگا داد ايله‌ي‌، قاني‌ شهزاده‌لار
سانگا داد ايله‌ي‌، ولي‌ الله‌، قاني‌ آزاده‌لار
سانگا داد ايله‌ي‌، خليل‌ الله‌، قاني‌ شهزاده‌لار
سانگا داد ايله‌ي‌، كليم‌ الله‌، قاني‌ شهزاده‌لار
ايكي‌ دنيانينگ‌ گلي‌دير اول‌ حسن‌ بيرله‌ حسين‌
 
نه‌ گناه‌ قيلدي‌ علي‌نينگ‌ اوغلي‌، اي‌ پروردگار
كربلا دشتينده‌ قيلدينگ‌ سن‌ آلارني‌ خوار و زار
اول‌ حسن‌ بير حسين‌ بيلسنگ‌ ايدي‌لر شاهسوار
اگني‌گه‌ قالقان‌ ساليپ‌، الي‌گه‌ آلدي‌ ذوالفقار
ايكي‌ دنيانينگ‌ گلي‌دير اول‌ حسن‌ بيرله‌ حسين‌
 
شمر معلون‌ پليد كسدي‌ حسينينگ‌ باشيني‌
تانگلا محشرده‌ گورر سيز (اول‌) فاط‌مه‌ گوز ياشيني‌
هم‌ يتيم‌ قيلدي‌ اوغول‌ - قيز هم‌ ينه‌ قارداشيني‌
هم‌ قارينداش‌ اوروغ‌ هم‌ ينه‌ (هم‌) يولداشيني‌
ايكي‌ دنيانينگ‌ گلي‌دير اول‌ حسن‌ بيرله‌ حسين‌
 
اول‌ حسين‌ گيردي‌ اوروش‌غا بير خداني‌ ياد اديپ‌
هم‌ علي‌ اصغر اشيتيپ‌، نالا و فرياد اديپ‌
شمر ملعون‌ كسدي‌ باشين‌ ظ‌لم‌ني‌ بسيار اديپ‌
اهلي‌ عالم‌ ييغلاشا دير بير خداني‌ ياد اديپ‌
ايكي‌ دنيانينگ‌ گلي‌دير اول‌ حسن‌ بيرله‌ حسين‌
 
گر علي‌ بولسا ايدي‌، آندا برردي‌ داديني‌
اول‌ پليدلر قيلماغاي‌ اردي‌ اوروش‌نينگ‌ داديني‌
شير دك‌ تارتار، اشيتگيل‌ بندانينگ‌ فرياديني‌
آدينگيز بو دنياده‌ بو سيرلارينگ‌ بنياديني‌
ايكي‌ دنيانينگ‌ گلي‌دير اول‌ حسن‌ بيرله‌ حسين‌
 
مصط‌في‌ني‌ كويدوريپ‌ هم‌ باغريني‌ بريان‌ اديپ‌
اول‌ ابوبكر عمرنينگ‌ گوزلرين‌ گريان‌ اديپ‌
هم‌ تاقي‌ عثمان‌ علي‌نينگ‌ عقليني‌ حيران‌ اديپ‌
قول‌ مختومي‌ بوزلاتيپ‌، بلبل‌ ديين‌ نالان‌ اديپ‌
ايكي‌ دنيانينگ‌ گلي‌دير اول‌ حسن‌ بيرله‌ حسين‌

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی