خبربرـبيله‌دير



 مختومقلي‌:
ـ اول‌ نه‌ گوهر، بولسون‌ آنينگ‌ بياني‌؟
يا معلم‌، بيزه‌ موندان‌ خبر بر!
نه‌ صنديق‌دير، آنينگ‌ منزل‌-مكاني‌؟
اوستاد بولسانگ‌، بيزه‌ موندان‌ خبر بر!

 ذنوبي‌:
ـ ايمان‌ گوهر، بولدي‌ آنينگ‌ بياني‌
اوستاد قيلسانگ‌، بيزدن‌ خبر بيله‌دير
كونگول‌ بير صنديق‌دير، منزل‌-مكاني‌
 بيزي‌ اوستاد بيلسنگ‌، خبر بيله‌دير!
 
 مختومقلي‌:
ـ نه‌ طاووسدير آنينگ‌ بولسون‌ بياني‌؟
قايسي‌ منزل‌ اردي‌ آنينگ‌ مكاني‌؟
اول‌ نه‌ اوستاد ارر، نه‌دير دكاني‌؟
 اوستاد بولسانگ‌، بيزه‌ موندان‌ خبر بر!

 ذنوبي‌:
ـ رسول‌ نوري‌ طاووس‌، بولدي‌ بياني‌
 شجر اليقين‌ اردي‌ مكاني‌
قادر الله‌ اوستاد، قدرت‌ دكاني‌بيزي‌
 اوستاد بيلسنگ‌، خبر بيله‌دير!

مختومقلي‌:
 نيچه‌ ايام‌ اوشال‌ منزلده‌ بولدي‌؟
 فهم‌ ايله‌ييپ‌ سوزله‌، نيچه‌ايش‌قيلدي‌؟
باش‌ وقت‌ نماز اصلي‌ نه‌ باشدن‌ قالدي‌؟
 اوستاد بولسانگ‌، بيزه‌ موندان‌ خبر بر!

ذنوبي‌:
 يتميش‌ مونگ‌ييل‌اوشال‌منزلده‌قالدي‌
مرآ الحياغا بير نظ‌ر سالدي‌
اوز صورتين‌ گوروپ‌، باش‌ سجده‌ قيلدي‌
اوستاد بيلسنگ‌، بيزدن‌ خبر بيله‌دير!

مختومقلي‌:
نيچه‌ معبود بير معبوددان‌ باسيلدي‌؟
 قايسي‌"اثبات‌" بولدي‌، قايسي‌ "لا" بولدي‌؟
اسلام‌ ديني‌ نه‌دن‌ قوتلي‌ گلدي‌؟
اوستاد بولسانگ‌، بيزه‌ موندان‌ خبر بر!
 
ذنوبي‌:
ـ "لا اله‌ الا الله‌" دييپ‌ بيتيلدي‌
 اوچ‌ يوز آلتميش‌ صنم‌ كعبه‌ده‌ اولدي‌
اسلام‌ ديني‌ سونگرا قوتلي‌ گلدي‌
 بيزي‌ اوستاد بيلسنگ‌، خبر بيله‌دير!
 
مختومقلي‌:
ـ اول‌ نه‌ دريا، آنگا گيرن‌ چيقمايار؟
 نه‌ منظ‌ردير نظ‌ر حقينگ‌ مهري‌ بار؟
فهم‌ شمار ايله‌ قيليپ‌ اختيار
 اوستاد بولسانگ‌، بيزه‌ موندان‌ خبر بر!
 
ذنوبي‌:
ـ آنت‌ بيردريا، گيرسه‌ چيقماز هر بنده
نظ‌رگاه‌ بارهم‌ مومنونينگ‌ كونگلونده‌
اوچ‌ يوز آلتميش‌ نظ‌ر ايلار حق‌ گونده‌
بيزي‌ اوستاد بيلسنگ‌، خبر بيله‌دير!

مختومقلي‌:
ـ اول‌ نه‌ باغدير، آندا ميوه‌ تاپيلماز؟
نه‌ بولوتدير، آنينگ‌ باراني‌ بولماز؟
نه‌ ظ‌لماتدير، قمر شعله‌سين‌ سالماز؟
اوستاد بولسانگ‌، بيزه‌ موندان‌ خبر بر!

ذنوبي‌:
ـ عملسيز عالم‌لار باغدير ثمرسيز
 ياغماز بولوت‌ ـ عاصيلاردير خبرسيز
كفار اهلي‌ ظ‌لماتدير قمرسيز
بيزي‌ اوستاد بيلسنگ‌، خبر بيله‌دير!

 مختومقلي‌:
ـ نه‌ يردن‌ قيلدي‌ حق‌ آدمينگ‌ باشين‌؟
 نه‌ منزل‌ خاكيندن‌ ايله‌دي‌ ديشين‌؟
نه‌ يردن‌ ايله‌دي‌ بو كونگول‌ خوشون‌؟
اوستاد بولسانگ‌، بيزه‌ موندان‌ خبر بر!
 
 ذنوبي‌:
ـ بيت‌ المقدسدن‌ قيلدي‌ باشيني‌
كوثر توپراغيندان‌ قيلدي‌ ديشيني‌
فردوسينگ‌ خاكيندن‌ كونگول‌ خوشوني‌
بيزي‌ اوستاد بيلسنگ‌، خبر بيله‌دير!

  مختومقلي‌:
ـ آياقلارني‌ بير-بير عيان‌ ايله‌گيل‌!
 سويكلرني‌ بير-بير بيان‌ ايله‌گيل‌!
چشمي‌نينگ‌ نه‌ يردن‌ بيانينگ‌ دييگيل‌!
  اوستاد بولسانگ‌، بيزه‌ موندان‌ خبر بر!

 ذنوبي‌:
ـ آياقلارني‌ هندوستاندان‌ ايله‌دي‌
 سويكلرني‌ داغستاندان‌ ايله‌دي‌
چشمين‌ حوض‌ اول‌ بوستاندان‌ ايله‌دي‌
 بيزي‌ اوستاد بيلسنگ‌، خبر بيله‌دير!

مختومقلي‌:
ـ مبارك‌ جمالين‌، بيلگيل‌، نه‌ بولدي‌؟
قوللارينينگ‌ خاكين‌ نه‌ يردن‌ آلدي‌؟
بيان‌ ايله‌، تيلين‌ نه‌ يردن‌ قيلدي‌؟
 اوستاد بولسانگ‌، بيزه‌ موندان‌ خبر بر!

 ذنوبي‌:
ـ جنت‌ توپراغيندان‌ قيلدي‌ جمالين‌
 ساغ‌ الين‌ كعبه‌دن‌، فردوسدان‌ سولون‌
ط‌ائف‌ توپراغيندان‌ شيرين‌ زبانين‌
 بيزي‌ اوستاد بيلسنگ‌، خبر بيله‌دير!

 مختومقلی:
ـ نه‌ حقه‌دير، نه‌ بره‌دير جهاري‌؟
 نه‌ بلبل‌دير، نه‌ آژداردير، نه‌ بوري‌؟
نه‌ چوپاندير، باقار ليل‌ و نهاري‌؟
 اوستاد بولسانگ‌، بيزه‌ موندان‌ خبر بر!

 ذنوبي‌:
ـ كونگول‌ حقه‌سيندا بره‌-ايماندير
 نفسينگ‌ ــ آژدارهادير،بوري‌ـشيط‌اندير
ط‌اعتينگ‌ـ بلبلدير، عقلينگ‌-چوپاندير
بيزي‌ اوستاد بيلسنگ‌، خبر بيله‌دير!
 
 مختومقلي:
ـ نه‌ قوياشدير حسابيني‌ بيله‌لي‌؟
چندين‌ سالدير گوزدن‌ نهان‌ بولالي‌؟
نيچه‌ سردير سيزدن‌ خبر آلالي‌؟
مختومقلي‌ ديير، بيزه‌ موندان‌ خبر بر!

 ذنوبي‌:
ـ رسول‌ گوندور، حسابيني‌ توتالي‌
 مونگ‌ ايكي‌ يوز اون‌ بير ييلدير ياتالي‌
اجل‌ كوپروك‌، گل‌، ديداره‌ اوته‌لي‌
 ذنوبي‌ ديير، بيزدن‌ خبر بيله‌دير!

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی