خان‌دورار



بير ييل‌ اول‌ گون‌ باتاردان‌
بللي‌ مشهور خان‌ دورار
يوزي‌ ماه‌ تابان‌ دك‌
بيلك‌لري‌ قان‌ دورار
 
گورونگ‌ حسين‌ ميرزاني‌
حقا يازار عرضاني‌
يرلر اورار لرزاني‌
اسرافيلدان‌ اوين‌ دورار
 
حيوان‌، انسان‌ شانيندا
اجل‌ باردير يانيندا
دجال‌ دنيا ايننده‌
باشغا ملت‌، دين‌ دورار
 
عاشقلارا راي‌ بولماز
دنيا يوكي‌ تاي‌ بولماز
گوك‌ يوزونده‌ آي‌ بولماز
گون‌ باتاردان‌ گون‌ دورار
 
دجال‌ سازين‌ قوران‌ سونگ‌
عيشي‌ عشرت‌ سورن‌ سونگ‌
دونوپ‌، كعبه‌ باران‌ سونگ‌
ارواح‌ بيله‌ جن‌ دورار
 
ياجوج‌، ماجوج‌ دييرلر
بير بيريني‌ اييرلر
بيرين‌ اولدير قويارلار
بير يرينه‌ اون‌ دورار
 
مختومقلي‌ ديير هيهات‌
روز محشر ـ قيامت‌
ايا، ساقي‌ الحاجات‌
بارچا ايشلر قين‌ دورار

تمامی حقوق نزد وبسایت مختومقلی فراغی محفوظ است.
طراحی،توسعه،اجرا: فخرالدین پرویزی